ਸ. ਬ. ਭ. ਸ. ਯੂਨੀਵਰਸਿਟੀ ਦੇ ਜੀਵਨ ਵਿਗਿਆਨ ਵਿਭਾਗ ਦੇ ਸਹਾਇਕ ਪ੍ਰੋਫੈਸਰ ਡਾ. ਯੂਨਿਸ ਅਹਿਮਦ ਹਜਾਮ ਚੋਟੀ ਦੇ 2% ਵਿਗਿਆਨੀਆਂ ਦੀ ਸੂਚੀ ਵਿੱਚ ਸ਼ਾਮਲ

Date: 03/11/2026

ਸੰਤ ਬਾਬਾ ਭਾਗ ਸਿੰਘ ਯੂਨੀਵਰਸਿਟੀ ਦੇ ਲਾਈਫ ਸਾਇੰਸਿਜ਼ ਵਿਭਾਗ ਦੇ ਸਹਾਇਕ ਪ੍ਰੋਫੈਸਰ ਜੀਵ ਵਿਗਿਆਨ ਡਾ. ਯੂਨਿਸ ਅਹਿਮਦ ਨੂੰ ਲਗਾਤਾਰ ਤਿੰਨ ਸਾਲਾਂ 2024, 2025 ਅਤੇ 2026 ਲਈ ਸਟੈਂਡਫੋਰਡ-ਐਲਸੇਵੀਅਰ ਦੇ ਵਿਸ਼ਵ ਦੇ ਚੋਟੀ ਦੇ 2% ਵਿਗਿਆਨੀਆਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਹ ਮਾਣ ਉਨ੍ਹਾਂ ਨੂੰ ਸਿੰਗਲ-ਈਅਰ ਡਾਟਾ ਸ਼੍ਰੇਣੀ ਤਹਿਤ ਪ੍ਰਾਪਤ ਹੋਇਆ ਹੈ, ਜਿਸ ਵਿੱਚ ਉਨ੍ਹਾਂ ਦਾ ਮੁੱਖ ਖੋਜ ਖੇਤਰ 'ਜੀਵ ਵਿਗਿਆਨ' ਅਤੇ ਉਪ-ਖੇਤਰ 'ਕੀਟ ਵਿਗਿਆਨ' ਹੈ।ਸਰਟੀਫਿਕੇਟ ਦੇ ਆਂਕੜਿਆਂ ਅਨੁਸਾਰ ਡਾ. ਯੂਨਿਸ ਦੀ ਵਿਸ਼ਵ ਰੈਂਕ 69,834 ਹੈ, ਜਦਕਿ ਕੀਟ ਵਿਗਿਆਨ ਅਤੇ ਮੈਡੀਕਲ ਐਂਡ ਬਾਇਓਮੋਲੀਕਿਊਲਰ ਕੈਮਿਸਟਰੀ ਵਿੱਚ ਉਨ੍ਹਾਂ ਦੀ ਉਪ-ਖੇਤਰ ਰੈਂਕ 116 ਹੈ। ਉਨ੍ਹਾਂ ਦਾ H-index 14 ਅਤੇ HM-index 3 ਹੈ। ਉਨ੍ਹਾਂ ਦੀ ਖੋਜ ਵਾਤਾਵਰਣ ਸੰਭਾਲ, ਜੈਵ ਵਿਭਿੰਨਤਾ, ਐਪੀਥੈਰੇਪੀ, ਕੁਦਰਤੀ ਉਤਪਾਦਾਂ ਦੀ ਥੈਰੇਪਿਊਟਿਕਸ ਅਤੇ ਖੋਜ ਵਿੱਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੀ ਵਰਤੋਂ ਤੱਕ ਫੈਲੀ ਹੋਈ ਹੈ।ਖੋਜ ਕਾਰਜਾਂ ਤੋਂ ਇਲਾਵਾ ਡਾ. ਯੂਨਿਸ ਨੇ ਸਪ੍ਰਿੰਗਰ ਨੇਚਰ, ਟੇਲਰ ਐਂਡ ਫ੍ਰਾਂਸਿਸ, ਅਤੇ ਐਲਸੇਵੀਅਰ ਵਰਗੇ ਪ੍ਰਮੁੱਖ ਅੰਤਰਰਾਸ਼ਟਰੀ ਪ੍ਰਕਾਸ਼ਕਾਂ ਲਈ ਅੰਤਰਰਾਸ਼ਟਰੀ ਕਿਤਾਬਾਂ ਦੀ ਸੰਪਾਦਨਾ ਵਿੱਚ ਅਹਿਮ ਯੋਗਦਾਨ ਪਾਇਆ ਹੈ। ਉਹ 35 ਤੋਂ ਵੱਧ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਕਾਨਫਰੰਸਾਂ ਵਿੱਚ ਆਪਣੇ ਖੋਜ ਪੱਤਰ ਪੇਸ਼ ਕਰ ਚੁੱਕੇ ਹੈ। ਜ਼ੂਆਲੋਜੀ ਸੁਸਾਇਟੀ ਆਫ਼ ਇੰਡੀਆ ਵੱਲੋਂ ਉਨ੍ਹਾਂ ਨੂੰ ਆਲ ਇੰਡੀਆ ਕਾਂਗਰਸ ਆਫ਼ ਜੀਵ ਵਿਗਿਆਨ ਵਿੱਚ ਗੋਲਡ ਮੈਡਲ ਨਾਲ ਵੀ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।ਡਾ. ਯੂਨਿਸ ਨੇ ਆਪਣੀ ਇਸ ਸਫਲਤਾ ਦਾ ਸਿਹਰਾ ਯੂਨੀਵਰਸਿਟੀ ਦੇ ਚਾਂਸਲਰ ਸੰਤ ਮਨਮੋਹਨ ਸਿੰਘ ਜੀ, ਵਾਈਸ-ਚਾਂਸਲਰ ਪ੍ਰੋ. ਪਲਵਿੰਦਰ ਸਿੰਘ, ਰਜਿਸਟਰਾਰ ਸ਼੍ਰੀ ਰਾਜਿੰਦਰ ਕੁਮਾਰ, ਡੀਨ ਅਕਾਦਮਿਕ ਪ੍ਰੋ. ਵਿਜੇ ਧੀਰ, ਡਾ. ਨਿਸ਼ਾ ਸ਼ਰਮਾ ਅਤੇ ਲਾਈਫ ਸਾਇੰਸਿਜ਼ ਵਿਭਾਗ ਦੇ ਸਾਥੀਆਂ ਨੂੰ ਦਿੱਤਾ। ਯੂਨੀਵਰਸਿਟੀ ਪ੍ਰਬੰਧਕਾਂ ਨੇ ਡਾ. ਯੂਨਿਸ ਨੂੰ ਇਸ ਮਾਣਮੱਤੇ ਸਨਮਾਨ ਲਈ ਵਧਾਈ ਦਿੱਤੀ ਅਤੇ ਕੈਂਪਸ ਵਿੱਚ ਉੱਚ ਪੱਧਰੀ ਖੋਜ ਦੇ ਮਾਹੌਲ ਨੂੰ ਹੋਰ ਮਜ਼ਬੂਤ ਕਰਨ ਦੀ ਵਚਨਬੱਧਤਾ ਦੁਹਰਾਈ।